OS MATERIAIS 

Os materiais divulgativos están realizados por varios profesionais da educación. A parte máis importante, como non podía ser menos, por licenciados en titulacións de ciencias (nestes momentos, Física e CC. Químicas). Ademais, a maior parte das actividades son revisadas e adaptadas por profesionais da educación, tanto formal como non formal, co fin de darlle un aire máis didáctico e accesible aos contidos. Entre estes, mestres, pedagogos, monitores e directores de tempo libre.

Os soportes visuais para as presentacións (as diapositivas) e as fichas de actividades son deseñados polo noso estudio gráfico de cabeceira:O Clube da Esquina , que lle dan esa imaxe moderna e actual a todos os nosos proxectos. 

OS MONITORES

As presentacións, en xeral, son realizadas por X. Dositeo Veiga. Á parte de ser na actualidade o coordinador das actividades de Divulgación Científica en Altega, é licenciado en Física, esp. Fundamental (Univ. de Santiago de Compostela) e astrónomo afeccionado. Desde o ano 1999 coordina todo tipo de actividades divulgativas, de astronomía... polo que a calidade da exposición está asegurada.

As actividades que se realizan con grupos de escolares onde se fai precisa a presencia de varias persoas (obradoiros, experimentos, feiras...) acostumamos a contar con monitores de actividades de tempo libre formados na nosa propia Escola de Tempo Libre Animacción. Estes, ademais, contan con algún tipo de titulación relacionada coas ciencias.

Para as saídas de astronomía, ás veces, contamos coa colaboración doutros afeccionados á astronomía.