Introdución

Espectáculo de maxia en exclusiva para Altega, novidade para este ano 2007. En festas patronais, festas infantís, festas escolares, celebracións de empresa... tanto para escenario como para maxia de preto. Ademais, está incuído no circuíto "Cultura en Familia" da Dirección Xeral de Promoción Cultural para este ano 2007.

Descrición

Membro fundador do Circulo Máxico Auriense e actualmente un dos seus membros máis activos, ademais de vicepresidente. Xunto co seu compañeiro de escena Vernon (un compañeiro un tanto especial) desenvolverá xogos de maxia propios e outros inspirados na mellor tradición. Adivinación, mentalismo, xogos de mans, cartas, maxia de escena... con ecos a mestres como Tamariz ou René Lavand. Todo adobiado cun sentido do humor válido tanto para cativos como para adultos. En moitos dos xogos sairán voluntarios para axudalo nalgún dos seus trucos e ficarán abraiados.

Este espectáculo con números clásicos de escena, maxia cómica, algo de mentalismo, escapismo, cartomaxia... Trucos clásicos e de producción propia. Todo adobiado cun sentido do humor válido tanto para cativos como para adultos.

DATOS TÉCNICOS 

Necesidades

O mago Gusi confórmase, polo momento, con pouca cousa. Unha toma de corrente de 220 V e un escenario ou tarima algo elevada, no caso de ser un espectáculo de escena.

A contratación deste espectáculo inclés o equipo de son.

Actuación recentes

Xa puideches gozar do seu espectáculo na Residencia Sanitaria (Ourense), Rairiz de Veiga (Ourense). Monforte de Lemos (Lugo)...

Duración

Unha hora de actuación. Dependendo da colaboración do público pode prolongarse un chisco. No caso de maxia de preto, a duración será maior. 

Galería de fotos