hidroXEN nº 0. Marzo de 2007

Editorial

No mundo da Internet nunca houbo tanta información como agora. De todo tipo e para todo tipo de públicos. Por iso, chama máis a atención as eivas culturais que se observan na poboación en xeral. No caso da cultura científica aínda resulta máis sangrante, considerando que a ciencia e o coñecemento científico son a ferramenta imprescindíbel para a formación de cidadáns críticos e libres. De aí a nosa aposta por este novo soporte de divulgación científica: hidroXEN. Partimos dunhas premisas iniciais modestas, pero con intencións máis elevadas. Ata o final do curso 2006-07 realizaremos un boletín mensual cunha dobre edición:

• exemplar en "pdf" listo para descargar e imprimir en formato revista, que será enviado aos subscritores de balde.

• exemplar en "html", cos mesmos contidos e ampliados, con ligazóns a páxinas web de confianza e, incluso, propostas para exercicios e traballos escolares.

Queremos que os seus contidos sexan útiles e axeitados para traballar na aula, ademais de servir de lectura adicional para todos os interesados na ciencia.

Ata o final deste curso estudiaremos o impacto que teña o boletín, a súa audiencia, a vosa receptividade, a validez dos seus contidos... logo do verán valoraremos a conveniencia de aumentar a súa frecuencia (semanal) e, incluso, a súa edición en papel. Participa no sorteo-enquisa da última páxina!

Un saúdo.

Descargar exemplar completo hidroXEN nº 0. Marzo de 2007 (pdf, 1,11 MB)