Enquisa - Sorteo

Queremos valorar os contidos que presentamos no noso Boletín, co fin de facelo realmente práctico para o voso labor docente. Podedes enviar todo tipo de suxestións e críticas (mellor construtivas) por correo electrónico. Para incentivar a vosa colaboración, realizaremos un sorteo de varios regalos entre os que enviedes a seguinte enquisa. As condicións son:

• Poden participar docentes galegos de secundaria e bacharelato do ensino público, concertado ou privado.

• Só entrarán no sorteo as enquisas correctamente cubertas, enviadas por fax, correo postal ou ao través da web. Unha enquisa por docente e exemplar de hidroXEN.

• Para o sorteo entre profesores, deberán enviar polo menos dúas enquisas e como moito catro (unha por boletín), de aquí a final de curso.

• Para o sorteo entre centros de ensino, deberemos recibir enquisas de polo menos dous docentes do mesmo centro.

• Entre os docentes participantes sortearemos tres exemplares do xoguete "paxaro bebedor".

• Entre os centros de ensino sortearemos un "Venuscope", ideal para a realización de astronomía solar.

Os sorteos realizaranse nas oficinas de Altega no mes de xuño, na data e hora que se avise na web (e aos suscriptores). Os nomes dos premiados serán publicados na web e comunicarémosllo persoalmente.