Con motivo da Semana Europea da Ciencia, entre o 9 e o 20 de novembro, os centros educativos que consideren interesante o material que dende aquí ofertamos poderán solicitalo dun xeito completamente gratuíto. Os grupos de alumnos poderán gozar de visitas guiadas e interactivas, polos espazos temáticos "Ciencia de madeira", "Medindo o Mundo" e "Tecnociencia" que se describen na web www.ruadaciencia.org. Trátase dunha actividade pensada para bacharelato e segundo ciclo da ESO.
A visita é gratuíta.
Altega é a entidade responsable da idea deste proxecto, do seu desenvolvemento e da súa execución. Estamos orgullosos de sumar ás diversas entidades participantes para acadar unha maior implicación da sociedade no coñecemento científico.
Rúa da Ciencia 2009 só é posible grazas a:
- Centro de Innovación e Servizos da Madeira , CIS-Madeira, ubicado no Parque Tecnolóxico de Galicia. Responsable do espazo "Ciencia de Madeira",
- Laboratorio Oficial de Metroloxía de Galicia , LOMG, ubicado no Parque Tecnolóxico de Galicia. Co-responsable do espazo "Medir oMundo".
- Centro de Innovación e Servizos de Galicia , CIS-Galicia, ubicado en Ferrol (A Coruña)
- A Fundación para o Fomento da Calidade Industrial e Desenvolvemento Tecnolóxico de Galicia, ubicada en Santiago de Compostela.
- A Consellería de I+D+i que, ao través da súa convocatoria Diverciencia, subvenciona os diversos espazos presentes nesta feira incluídos na Semana Europea da Ciencia .
Para inscribirse nesta actividade "Rúa da Ciencia'09" pódese cubrir o formulario que atoparán nesta ligazón ou envíennos un correo electrónico a Este enderezo de correo-e está protexido contra spam bots, necesitas ter o Javascript activado para podelo ver